10月3號 官方已經推出左黎緊下個星期嘅預告更新
相信應該系等級嘅開放同埋塞北嘅全新地圖
大概應該星期四就會改版更新
而家喺目前都系養生階段
最近除咗判門去太乙教實踐我嘅大計
我最近都計劃緊未來開放90級嘅準備功夫
今集就綜合左地圖開放嘅時候
一啲嘅劇情任務或者系鎮派武學所需要嘅道具
希望集思廣益 如果有遺留嘅話
大家都可以喺留言區一齊分享嚇
首先要講一講就系武學嘅方面
我而家目前呢就系將李一塵作為主要嘅前排
如果遲啲開放左峨嵋山
之後就會有醉拳就會有嘅支線任務
到時就應該會將佢嘅烈陽神掌比凌煙
然後就俾你一塵去學醉拳
主要系因為有天賦可以發揮到醉拳嘅實力
而要做醉拳嘅任務就要預備120個嘅水果
同埋本身自己嘅酒藝都要達到80級
酒藝方面我最近都已經不停練緊
之前行過啲城鎮嘅時候都有得閑買酒飲下
都差唔多80級㗎啦
另外就系水果方面都要周圍採集下
咁採集水果嘅地方呢就有四個嘅
有華山嘅蘋果 明月山嘅香蕉 泰安鎮嘅山楂
仲有比較麻煩嘅西瓜
西瓜要去到夜晚子時嘅時候去龍泉鎮嗰度先至有得攞
醉拳嘅支線任務就系要每一個嘅水果都要差唔多50個左右
每一種嘅水果大概一個鍾就會回復一個
如果有興趣呢一個嘅武學
今日開始就可以去儲定啲水果
另外一個武學就繫心音流刀術嘅鎮派刀法
同樣開放左支線任務之後都需要稀有嘅素材
其中就需要40個蛇膽 同20個熊掌
相信蛇膽方面大家應該都儲左唔少
不過要講到熊掌嘅話就可能比較棘手
因為個跌落率都真系幾低
我系好早嘅時候就已經有儲開熊掌
但系而家都仲未夠20個
其實要打呢個熊掌主要都係為咗同青城山賣蜂蜜嘅商人
去換取蜂王漿
如果冇熊掌嘅話 一個蜂皇漿系等於35兩
亦即系話差唔多700兩先至可以完成到呢個任務
目前都系得成都嘅熊可以打
位置同埋路線都系影片嗰度可以睇到
要喺夜晚子時沿著輕功嘅路線入去山洞
每一個鐘頭會刷新一隻
所以有興趣學依個嘅刀法
趁得閑嘅時候就打定啲熊掌
跟住就系鎮派內功 青蛾功嘅支線仼務
呢一個任務需要嘅道具系20個奇草 15個鹿茸同10個何首烏
15個鹿茸同埋10個嘅何首烏我諗大家都應該儲左唔少
平時都有採集同埋捉動物嘅習慣就冇乜問題
最難嘅系20個嘅奇草
每一個鐘頭都要特登去泰安鎮嘅藥王谷山洞採集
位置就系之前藥王中毒跟住劇情任務走入去嗰個山洞
位置就唔難搵嘅不過系就麻煩咗啲要行到好遠
青蛾功系一個偏向輔助嘅內功
而且仲需要角色犧牲先至可以發揮到作用
實用性呢其實就冇咁大
不過如果都想就系呢個支線任務嘅話
而家就可以開始得閑去採集下奇草
跟住嚟嘅呢個系我自己都努力緊
就系凌煙嘅專屬輕功天魔舞
要做天魔舞嘅任務最重要就系要預備170個文房四寶
文房四寶可以喺南陽渡 洛陽 同埋成都都買到
本身想練凌煙嘅話就要開始預備
因為文房四寶每一日最多只可以攞到11個
買足16日就差唔多儲齊㗎啦
除咗武學之外都要預備嚟緊90級嘅裝備
目前可以採集90級素材嘅地方就唔系好多
要打造90級嘅裝備追求比較好嘅品質
就要消耗大量嘅素材去睇自己嘅裝備串列
而且嚟緊90級嘅裝備之後會有分重裝同埋輕裝
打造裝備方面有獨立嘅裝備串列同埋混合串列
亦即系話會衍生出唔同嘅裝備串列
總括嚟講都要消耗大量嘅素材去睇唔同方向嘅裝備串列
所以除咗平時採集嘅地方之外我都會去10方集或者系鬼市嗰度買定90級嘅裝備素材
始終去到目前階段 銀両已經冇咁短缺
所以如果嚟緊想整高品質嘅90級嘅裝備
大家都可以儲定多啲嘅素材等遲啲用
其他勢力嘅商店都會有打造裝備附加效果嘅道具
對於自己嘅角色有某啲屬性嘅追求都可以去買
價錢方面呢系幾貴嘅 不過有需求就買定喇
我自己都買咗聚氣同傷害減免嘅效果
另外如果而家嘅錢真系多到用唔曬嘅話
都可以預先強化定90級嘅武器
日後強化90級嘅武器一定需要好多嘅白鍊石
通常30級以下嘅我都會攞嚟分解
打造防具就會去明月山
打造武器就會去天刀門
兩個地方都容易出高嘅品質
而且分解出嚟嘅數量都會多啲
所以打造裝備嘅素材由而家開始就可以儲多啲
依家鬼市出嘅鍊石我都會買下
跟住落嚟就系要講角色方面
最近陸服已經更新咗丐武聖嘅天賦
喺戰鬥嘅期間有機率會攞到一個嘅元寶
每日最多攞10個嘅元寶 大概每日刷滿240體力
雖然唔知台服會唔會一樣更新同一樣嘅天賦
但系建議如果而家未買嘅話就千祈唔好買住
因為目前買呢個角色嘅元寶都好貴
而且陸服依家推出嘅時候都會有優惠價錢可以入手
目前主力四個角色好多武學已經都練滿
所以都準備緊培養第2隊嘅角色
建議盡量用洗髓丹去睇多啲唔同角色嘅天賦串列
儲多啲資源整屬性丹同埋試玩下其他唔同嘅武學
做定個心理準備
嚟緊嘅85級副本系需要700,000嘅戰力
最後要講嘅就系江湖勢力
到目前為止未開放嘅江湖勢力就系桃花島
當桃花島一出嘅時候
累積一定嘅好感就可以買到一個好實用嘅秘技
呢一個秘技系非常適合寧波妹妹拳
而升級呢個秘技系需要用到大量嘅花去釀酒
100朵花先至可以有一支酒
大概要升到依招嘅秘技滿級嘅話系需要8枝酒
不過呢個秘技又唔系必須嘅
如果有興趣嘅話就得閑去嚇明月山採花
儲下都無壞
整依條片嘅時候都好期待快啲去到九十級
其實我主要都系好想快啲用到鎮派嘅伏羲刀法
嚟緊無論打造裝備或者系劇情嘅支級都會變到越嚟越複雜
所以一定要睇清楚攻略先至好下決定
如果唔系就會浪費咗而家一點一滴儲落嚟嘅素材
