10月3号 官方已经推出左黎紧下个星期嘅预告更新
相信应该系等级嘅开放同埋塞北嘅全新地图
大概应该星期四就会改版更新
而家喺目前都系养生阶段
最近除咗判门去太乙教实践我嘅大计
我最近都计划紧未来开放90级嘅准备功夫
今集就综合左地图开放嘅时候
一啲嘅剧情任务或者系镇派武学所需要嘅道具
希望集思广益 如果有遗留嘅话
大家都可以喺留言区一齐分享吓
首先要讲一讲就系武学嘅方面
我而家目前呢就系将李一尘作为主要嘅前排
如果迟啲开放左峨嵋山
之后就会有醉拳就会有嘅支线任务
到时就应该会将佢嘅烈阳神掌比凌烟
然后就俾你一尘去学醉拳
主要系因为有天赋可以发挥到醉拳嘅实力
而要做醉拳嘅任务就要预备120个嘅水果
同埋本身自己嘅酒艺都要达到80级
酒艺方面我最近都已经不停练紧
之前行过啲城镇嘅时候都有得闲买酒饮下
都差唔多80级㗎啦
另外就系水果方面都要周围采集下
咁采集水果嘅地方呢就有四个嘅
有华山嘅苹果 明月山嘅香蕉 泰安镇嘅山楂
仲有比较麻烦嘅西瓜
西瓜要去到夜晚子时嘅时候去龙泉镇𠮶度先至有得攞
醉拳嘅支线任务就系要每一个嘅水果都要差唔多50个左右
每一种嘅水果大概一个钟就会回复一个
如果有兴趣呢一个嘅武学
今日开始就可以去储定啲水果
另外一个武学就系心音流刀术嘅镇派刀法
同样开放左支线任务之后都需要稀有嘅素材
其中就需要40个蛇胆 同20个熊掌
相信蛇胆方面大家应该都储左唔少
不过要讲到熊掌嘅话就可能比较棘手
因为个跌落率都真系几低
我系好早嘅时候就已经有储开熊掌
但系而家都仲未够20个
其实要打呢个熊掌主要都系为咗同青城山卖蜂蜜嘅商人
去换取蜂王浆
如果冇熊掌嘅话 一个蜂皇浆系等于35两
亦即系话差唔多700两先至可以完成到呢个任务
目前都系得成都嘅熊可以打
位置同埋路线都系影片𠮶度可以睇到
要喺夜晚子时沿着轻功嘅路线入去山洞
每一个钟头会刷新一只
所以有兴趣学依个嘅刀法
趁得闲嘅时候就打定啲熊掌
跟住就系镇派内功 青蛾功嘅支线仼务
呢一个任务需要嘅道具系20个奇草 15个鹿茸同10个何首乌
15个鹿茸同埋10个嘅何首乌我谂大家都应该储左唔少
平时都有采集同埋捉动物嘅习惯就冇乜问题
最难嘅系20个嘅奇草
每一个钟头都要特登去泰安镇嘅药王谷山洞采集
位置就系之前药王中毒跟住剧情任务走入去𠮶个山洞
位置就唔难揾嘅不过系就麻烦咗啲要行到好远
青蛾功系一个偏向辅助嘅内功
而且仲需要角色牺牲先至可以发挥到作用
实用性呢其实就冇咁大
不过如果都想就系呢个支线任务嘅话
而家就可以开始得闲去采集下奇草
跟住嚟嘅呢个系我自己都努力紧
就系凌烟嘅专属轻功天魔舞
要做天魔舞嘅任务最重要就系要预备170个文房四宝
文房四宝可以喺南阳渡 洛阳 同埋成都都买到
本身想练凌烟嘅话就要开始预备
因为文房四宝每一日最多只可以攞到11个
买足16日就差唔多储齐㗎啦
除咗武学之外都要预备嚟紧90级嘅装备
目前可以采集90级素材嘅地方就唔系好多
要打造90级嘅装备追求比较好嘅品质
就要消耗大量嘅素材去睇自己嘅装备串行
而且嚟紧90级嘅装备之后会有分重装同埋轻装
打造装备方面有独立嘅装备串行同埋混合串行
亦即系话会衍生出唔同嘅装备串行
总括嚟讲都要消耗大量嘅素材去睇唔同方向嘅装备串行
所以除咗平时采集嘅地方之外我都会去10方集或者系鬼市𠮶度买定90级嘅装备素材
始终去到目前阶段 银両已经冇咁短缺
所以如果嚟紧想整高品质嘅90级嘅装备
大家都可以储定多啲嘅素材等迟啲用
其他势力嘅商店都会有打造装备附加效果嘅道具
对于自己嘅角色有某啲属性嘅追求都可以去买
价钱方面呢系几贵嘅 不过有需求就买定喇
我自己都买咗聚气同伤害减免嘅效果
另外如果而家嘅钱真系多到用唔晒嘅话
都可以预先强化定90级嘅武器
日后强化90级嘅武器一定需要好多嘅白炼石
通常30级以下嘅我都会攞嚟分解
打造防具就会去明月山
打造武器就会去天刀门
两个地方都容易出高嘅品质
而且分解出嚟嘅数量都会多啲
所以打造装备嘅素材由而家开始就可以储多啲
依家鬼市出嘅炼石我都会买下
跟住落嚟就系要讲角色方面
最近陆服已经更新咗丐武圣嘅天赋
喺战斗嘅期间有机率会攞到一个嘅元宝
每日最多攞10个嘅元宝 大概每日刷满240体力
虽然唔知台服会唔会一样更新同一样嘅天赋
但系建议如果而家未买嘅话就千祈唔好买住
因为目前买呢个角色嘅元宝都好贵
而且陆服依家推出嘅时候都会有优惠价钱可以入手
目前主力四个角色好多武学已经都练满
所以都准备紧培养第2队嘅角色
建议尽量用洗髓丹去睇多啲唔同角色嘅天赋串行
储多啲资源整属性丹同埋试玩下其他唔同嘅武学
做定个心理准备
嚟紧嘅85级副本系需要700,000嘅战力
最后要讲嘅就系江湖势力
到目前为止未开放嘅江湖势力就系桃花岛
当桃花岛一出嘅时候
累积一定嘅好感就可以买到一个好实用嘅秘技
呢一个秘技系非常适合宁波妹妹拳
而升级呢个秘技系需要用到大量嘅花去酿酒
100朵花先至可以有一支酒
大概要升到依招嘅秘技满级嘅话系需要8枝酒
不过呢个秘技又唔系必须嘅
如果有兴趣嘅话就得闲去吓明月山采花
储下都无坏
整依条片嘅时候都好期待快啲去到九十级
其实我主要都系好想快啲用到镇派嘅伏羲刀法
嚟紧无论打造装备或者系剧情嘅支级都会变到越嚟越复杂
所以一定要睇清楚攻略先至好下决定
如果唔系就会浪费咗而家一点一滴储落嚟嘅素材
